Қазақстанда республикалық «Бір ел – бір кітап» акциясы жұмысын жалғастырып келеді. Акцияның басты мақсаты – қазақ әдебиетін насихаттау, қоғамның кітап оқуға деген қызығушылығын көтеру, Қазақстанның әдеби мұрасын зерттеуге деген қызығушылықты дамыту, өскелең ұрпақтың зияткерлік-рухани дамуына көмектесу.

        Әмбебап оқу залы назарларыңызға «Даналар жолы – халық мұрасы» кітап көрмесінің бейнешолуын ұсынады.

Көрменің ортасына екі бөлім – «Мұхтар Әуезов және Абай әлемі» және «Ғалым өміріне саяхат жасаған қаламгер» орналастырылған, оларға аталған шығармалар, осы авторлардың өмірлері мен шығармашылығына арналған кітаптар, олар жайындағы қызықты мақалалар: «Мұхтар Әуезов туралы естеліктер», «Әлем таныған Әнуар. Признанный миром Ануар», «Мен білетін Әуезов» және т. б. қойылған. Көрме осы жылдың соңына дейін жұмыс істейтін болады