17 тамызда Л.Толстой ат. облыстық кітапханада Челябі облысынынан келетін делегацияның қатысуымен «Мәдениеттер жарастығы» форумы өтеді.

        «Мәдениеттер жарастығы» атты шекара шегіндегі ынтымақтастық аясында «Мәңгі жас Пушкин» тақырыбымен жастар форумын ұйымдастыруға Челябі облысының Мәдениет министрлігі, Қостанай облысы әкімдігі мәдениет басқармасының қолдау көрсетуімен Л.Толстой атындағы Қостанай облыстық әмбебап ғылыми кітапханасымен бірлесе отырып Челябі облысы халықтарының Достық үйі мұрындық болды. Оған 18 бен 30 жас аралығандағы жастар және Қостанай және Челябі облысының ұлттық-мәдени бірлестіктерінің өкілдері қатысады.  

Форумның бағдарламасында екі облыс жастары көшбасшыларының таныстырылымдары бар баяндамалары, «Культурное пространство «Челябинск-Костанай»: Александр Сергеевич Пушкин» (туғанына 220 жыл) шеберлік сыныбы, «Пушкин на грани столетий Жүз жылдық шегіндегі Пушкин» тақырыбымен квест, Қостанай қаласының 140 жылдығына арналған Қостанай және Челябі облысы делегацияларының этноконцерті жоспарланған.