1987 жылдың 7 желтоқсанында БҰҰ Бас Ассамблеясы жыл сайын 26 маусымды Халықаралық нашақорлықпен және заңсыз есірткі саудасымен күрес күні ретінде атап өту туралы қаулы шығарды.

Осы күнге арнап әлемнің көптеген елдерінде халыққа, ең алдымен жастарға есірткі тұтынудың зияны мен салдары жайындағы ақпарат беруге және саламатты өмір салтын насихаттауға бағытталған ағартушылық шаралары мен акциялар өткізіледі.

Аталған шараға қосылған Әмбебап оқу залы сіздердің назарларыңызға «Біз есірткісіз өмірді таңдаймыз» көрме-ескертуін ұсынады. Барлығыңызды көрмені тамашалауға шақырамыз.