13 маусымда Қостанай облысы әкімдігінің «Қоғамдық келісім» КММ  Н.Ә.Назарбаевтың «Болашаққа бағдар: рухани жаңғыру» мақаласын талқылау аясында жазушылар Серік Асылбекұлымен және Асқар Алтаймен кездесу өткізілді. Кездесуді Қазақстан Жазушылар одағы мүшесі Ақылбек Шаяхмет жүргізді.

Кездесуге қоғам өкілдері, ақындар, жазушылар, мәдениет және білім саласының қызметкерлері қатысты. Қонақтар кездесуге келгендерге бағдарламалық мақаланың мәнін түсіндіріп берді. Шараға қатысқандар білім мен мәдениет, тарих және т.б. саладағы өзекті мәселелер бойынша сұрақтар қойды.

Бұл кездесуге арнап Л.Н.Толстой атындағы облыстық әмбебап ғылыми кітапхана «Қазақстан жолы: тұрақтылық, жаңару және өркендеу» кітап көрмесін дайындады.