Физика-математика ғылымдарының кандидаты, доцент Мағрипа Жылқыбаева Есік қорғанынан шыққан Алтын адамның күміс зереншесіндегі 26 таңбаны оқып, оның әрбіреуінің шифрын ашып, мәтін шығаруға отыз жыл уақытын жұмсаған. Бұл кітаптағы мәліметтер аса құнды мұра – Алтын адамның күміс зереншесіндегі жазуынан алынған. Бұл жолда фундаменталды ғылымның барлық саласын жете пайдаланған ғалымның өте-мөте арқа сүйегені физика, математи¬ка, астрофизика ғылымдары мен дүниежүзінің географиясы. Археология, тарих, мәдениеттану, фольклортану, лингвистика ғылымдарының салалары бойынша да көне жазулардың құпиясы бұған дейін тереңінен ашылып көрмеген. Сондай-ақ жазудың сырын ашуда мұнша көп тәсілдерді бір ортаға жұмылдыру да болған емес. Автордың осы тақырыптағы еңбектерінің біраз бөлігі республикалық, халықаралық баспасөз беттерінде жарияланған. Кітап дүниежүзінде бұрын-соңды ашылмаған аса құнды ғылыми мәліметтерді, тың деректерді қамтиды. Ғалым көне тілдегі жазуларды қазіргі тілге аудара отырып, ғылыми мәліметтерді қарапайым тілмен түсіндіруге тырысқан.

Кітап көпшілік оқырман қауымға арналады.