ҚХА мерейтойлық сессиясы өтіп жатқан 27 сәуір күні Халықаралық кітаптар бөлімі гуманитарлық колледжде Қазақстан халқының бірлігі күніне арналған «Елдің қуаты халықтың бірлігінде» шарасын өткізді.

Тақырыптық кешті өткізу барысында колледж студенттері көп ұлтты Отанымызда тұрып жатқан түрлі ұлт өкілдерінің тарихымен, мәдениетімен және салт-дәстүрімен танысты.

 Шараға қатысқан этномәдени бірлестіктердің өкілдері қонақтарға халық әндері мен билерін тарту етті.

Кешке келген қонақтардың назарына кітап көрмесі және авторы қостанайлық белгілі фотограф Георгий Шаповалов болып табылатын «Ассамблея адамдары» фотокөрмесі ұсынылды.