4 ақпанда Қазақстан Республикасындағы Франция елшілігінің Мәдениет және ынтымақтастық мәселелері жөніндегі кеңесшісі Гийом Касперски кітапханамызға қонақ болып келді. 

Жүргізілген экскурсия барысында Кеңесші облыстық кітапхананың жұмысымен, оның қорымен, кітаби құндылықтарымен және раритеттерімен қызыға танысты.  «LAROUSSE» баспасынан  ХІХ ғасырдың соңында жарық көрген энциклопедиялық сөздіктер қойылған сирек кітаптар қоры қонақтың назарын ерекше аударды.  Кітапхана қонақжайында Касперски  мырзаның назарына Қостанай облысының 80 жылдығына арналған кітап көрмесі ұсынылды. 

Гийом Касперски кітапханаға А. Сент-Экзюперидің «Кішкентай Ханзада» кітабын сыйға тартты.