Наурыз – көктемнің, табиғаттың жаңаруының, жаңа жыл мен жаңа өмірдің басталуының мерекесі. Бұл халық әндерінен, билерінен, театрландырылған ойындардан, халықтық және көне әдет-ғұрыптардан тұратын шығыс халықтарының ең танымал және ежелгі мерекесі.

Мереке қарсаңында Өнер туралы әдебиеттер бөлімі «Берекелі Наурыз» кітап көрмесін безендірді. Көрмеге мерекенің пайда болу тарихы туралы, қазақ халқының салты мен дәстүрі туралы әңгімелейтін әдебиеттер қойылған. Қазақстан өнерінің тарихы туралы «Қазақтың қолданбалы өнері», «Изобразительное искусство Казахстана», «Новая жизнь древних традиций», «Национальная одежда казахского народа», «Қазақстан халықтарының ұлттық киімдері» және т.б. кітаптардан білуге болады.