3 наурыздан бастап көктемнің керемет мерекесі – 8 наурыз Халықаралық әйелдер күні қарсаңында Әмбебап оқу залында әйелдерге, адамзат жаралғаннан бері жұмбағы шешілмей келе жатқан жаратылыс иесіне арналған мерекелік көрме жұмыс істей бастады.

Көрмеге түрлі кезеңнің есімі әлемге әйгілі болған әйелдерінің өмірі мен шығармашылық тағдыры жайында баяндайтын «Галерея знаменитых женщин» кітабы қойылған. Оның кейіпкерлері – тарихта елеулі із қалдырған әйелдер. Ол үшін олар өздерінің ең жақсы қасиеттерін – ақылын, күш-қуатын, ерік-жігерін, дарыны мен әйелдік әдемілігін пайдаланды. Олардың ішінде мемлекет қайраткерлері, жазушылар, әртістер, аналар да бар.

Сондай-ақ әйелдер үшін қызықты болып табылатан түрлі тақырыптағы кітаптар мен журналдардың коллекциясымен де танысуға болады.

Көктем, махаббат, сұлулық туралы біліміңізді толықтырғыңыз келе ме? Онда 30 наурызға дейін жұмыс істейтін біздің көрмемізді көруге асығыңыз.