76.12(5Қаз)

А 14

Абдрахманов, С.
    Елдік ерлігі [Мәтін] : мақалалар, сұхбаттар, репортаждар : 2012–2016. Т. 4 : Тәуелсіздік толғаныстары / С. Абдрахманов. – Нұр-Сұлтан : Фолиант, 2021. – 616 б.
    Қазақстан Тәуелсіздігіне 30 жыл

 Қазақстан Республикасы Мемлекеттік сыйлығының лауреаты, Парламент депутаты, филология ғылымдарының докторы Сауытбек Абдрахмановтың сан салалы шығармашылығының қуатты бір арнасы – публицистика. С. Абдрахманов отандық саяси публицистиканың жаңа заманға сай, тың тұрпатта қалыптасуына қомақты үлес қосты. Тәуелсіздіктің 30 жылдығына орай шығарылып отырған бұл бес томдықтағы мақалаларда, сұхбаттарда, репортаждарда Қазақстанның егемендіктің елең-алаңынан бастап, қазіргі шағына дейінгі барлық бел-белестері жан-жақты баян етіледі, тарихтың талмау тұсында ел болудың тар жол, тайғақ  кешулі сапарына шыққан халқымыздың елдік ерлігі кемел көрсетіледі, айтулы азаматтардың ордалы ойлары ортаға салынады, қоғамның көкейкесті мәселелері тереңдікпен көтеріледі.

Қазақстан Республикасының Тұңғыш Президенті – Елбасы Нұрсұлтан Назарбаев ұлттық қоғамдық ойдың бүгінгі биігін танытатын көптомдыққа жазған алғы сөзінде: «Сауытбек Абдрахмановтың бұл еңбегі жасампаздық жолымыздың журналистің жүрдек қаламымен өрілген шежіресі, Тәуелсіздіктің толымды толғауы ретінде бағалауға әбден лайықты», деп атап көрсеткен.